دي سلسلة جديدة بنوضح فيها أبرز المعاملات المالية بين المقاول والمالك وتحديدا في مقاولات اللآندسكيب ✨
لو انت مهندس مكتب فني مقاول او في مجال المقاولات في العموم، يبقي لازم تتعرف علي الخريطة المالية دي وتعرف حقوقك وتفهم المطلوب منك بالظبط 👌
الحكاية بتبدأ بمبلغ بيدفعه المقاول تحت مسمي “تأمين ابتدائي” للدخول في المناقصة، او ضمان دخول المناقصة (Bid Bond / Tender Guarantee) ودا موضوعنا النهاردة.
- ودا مبلغ بيحدد قيمته المالك وبيدفعه كل المقاولين علي سبيل الضمان لدخول المناقصة
- المبلغ ده اصلا بيكون من ضمن شروط الدخول في المناقصة، يعني لازم تدفعه علشان تقدر تشترك في المناقصة.
🤔 طيب لو خسرت المناقصة دي، المبلغ ده بيضيع كده خلاص؟
لأ بتسترده علي طول في حالة خسارة المناقصة.
🤔 طيب لو فُزت بالمناقصة؟
هنا المبلغ ده اما هتكمل عليه ويتحول الي “تأمين نهائي” للمشروع (ودا همتكلم عنه البوست القادم ان شاء الله)
او هتستبدله بالتأمين النهائي، يعني هتسترده وتدفع مبلغ التأمين النهائي بالكامل بدلا عنه.
🤔 طيب اسدد مبلغ التأمين الإبتدائي ده ازاي علشان ادخل في المناقصة؟
الطريق الأكثر شيوعا هي تقديم “خطاب ضمان بنكي” بيجيبه المقاول من البنك ويقدمه للمالك.
مضمون الخطاب ده ان البنك بيضمن المقاول بالمبلغ ده
يعني البنك هيسد عن المقاول المبلغ ده ومُلزم بيه قدام المالك لو حصل إخلال من المقاول.
وفيه طريقة تانية وهي “شيك نقدي مقبول الدفع” بإسم الجهة المالكة، وممكن كمان يتم تسديد المبلغ ده كاش، لكن معظم الجهات بتفضل خطاب الضمان البنكي.
🤔 طيب امتي المالك يسيّل (يحجز) قيمة خطاب ضمان دخول المناقصة ده؟
- لو المقاول كسب المناقصة ورفض يوقع العقد.
- أو المقاول انسحب من المناقصة بعد ما قدم العرض الرسمي.
- أو المقاول قدم بيانات أو مستندات غير صحيحة في العطاء مثل شهادة خبرة مزورة او سيرة ذاتية غير مطابقة أو بيانات مالية غير سليمة.
المالك هنا بيعمل مطالبة للبنك ويصرف قيمة الضمان لأنه حصل إخلال من المقاول.
وطبعا لازم يكون فيه بند واضح في كراسة الشروط يسمح بالتسييل في الحالات دي، وعادة المقاول بيكون موقّع أنه موافق عليها.
وأخيرا، الموضوع ده واكثر هو جزء من دبلومة المكتب الفني الشاملة الي بنقدمها علشان تأهلك في كافة أعمال المكتب الفني 👌
✍️ تعرف علي تفاصيلها والحق الخصم الإضافي من هنا:
https://www.facebook.com/share/p/1bYmXkL8gS/
المكتبالفنييرحب_بكم 💚
م / إسلام الشاعر
لا توجد تعليقات